good morning vietnam!!

zrogg en phnom phen beni zfuess zom central market, was fasch echli e zuemuetig esch. do lauft niemer ond dluet choene ned verstoh, asi kes tuk tuk oder toeffli wott... muehsam! naebem maert hets au no es shoppingcenter gha, zemli cool, ofem dach hets naemli en inlineskate bahn gha!! whoohooo!! nachdem asi au mis gaeud usgeh ha beni zrogg es hoteu ond ha nomou de sonneondergang gnosse. vellech mueni no erwaehne, asi woni zom zemmer us cho be en ratte am choebu vorem zemmer gseh ha... ond woni es bett be hani si ghoert kwitsche zwoesche de waend... em bad hets oeberau loecher gha, onmoeglech aui zstopfe... i ha sliecht em bad di ganz nacht agloh er hoffnig asses noetzt ;o)

fruech am noechschte morge beni abghout worde ond ha mi metere italiaenische reisegroppe enes busli kwaetscht. womer nacheme wili usglade worde send haemer muesse ofs boetli warte, wo oeis denn oeber dgraenze brocht het. fasch am verhongere esch mer de zom gloeck e senn cho, assi no mini letschte potnoodles em sack ha, ond vonere froendleche frau voneme strossereschtoraendli hani de heisses wasser oebercho.mhhhhh!!!

sboot esch de aendli parat gsi ond mer send boarded. i ha mis gepaeck abgeh ond be igstege, ond woni donde acho be seit oeper zo mer 'esch da dis' ond zeigt of de schwemmendi bubu em mekong. gulp! det escher glaege, naebe au dem goesu em wasser... ned guet!! asoeschte hani aber die fahrt guet oeberstande, sehr schoeni landschaft ond es naetts faehrtli ofem mekong.

nach es paar stond beni denn aendli en chau doc, vietnam, acho ond voneme ganz komische velotaxi zo minere onderkonft gfahre worde. de ahaenger vom taxi esch meh wine schale gsi, ond ich be met au mim gepaeck detdri ghocket ond ha ghofft, assi ned omkippe. aber aues esch guet gange. komischerwis hani min pass ar rezeption muesse abgeh, anschinend chond dpolizei jedi nacht choge luege, wer det schloft ond oeb si es goeutigs visum haend. komischi waeut do... chum oeber dgraenze traege do aui di loschtige huet wo eneme spetz aende. welcom to vietnam!

bem sehr spohte zmettag hani de johni vo aengland kenneglehrt ond mer send ofenes paar bierli, meh gets do woerkli ned ztue. am zaehni esch oeberau fuerobe! sogar dhoteu schluesse ehri tor!! ossert mis... ;o)

drom hani au nor ei nacht det verbrocht ond be witer of ho chi minh city/saigon. dbusfahrt esch en horror gsi, schlofe onmoeglech ond wie emmer send die setz ned foer weschtlechi luet gmacht. dchnue send permanaent am vordere setz...

ergendwo er stadt beni de usekippet worde, kei plan wo. so beni es buero goge froge ond die haend kei pips verstande vo dem woni gseit ha. ond i glaube ned, ass da a mim aenglisch lit... guet, goemer zo eim vo de motorbike fahrer.. aber die waend so horraendi prise asi ned emou diskutiere, sondern eifach devo laufe. emmerhin esch eine naett gnue gsi ond het mer drechtig azeigt. zom guete glock hani de aendli en fahrer gfonde ond los esches gange. hui, was foeren fahrt. ase, i hocke of dem toeffli, min grosse rocksack am roegge, mini handtaesche om de haus, de chli rocksack of de raechte site ond bubu ond de pfihlboge er lenge hand. ab e verchehr vo HCMC... es het ned veu autos do, aber toeffli bes zom abwenke ond no veu meh!! fahre esch horror!! min fahrer het oeberau dorepasst ond ich ha met mim zueg oeberau a anderne fahrer aghaenkt ond be steckeblobe. am rotliecht stoehnd tusigi vo toeffli, aber da esch kes hendernis, mer fahrt eifach ofem trottoir a aune anderne verbi... schluck...es esch onbeschriblech, aber glaubet mer, die stadt esch craaaaazyyyyy!!!

nacheme fule tag, es betzeli erkondschafte ond en nacht eneme vietnamesische club hani de johni weder troffe ond mer haend foer de noechscht tag s'chriegsmuesum ofe plan gsetzt. ofem waeg dethe hets afoh abeseiche vom groebere ond mer haend onderschlopf eneme reschtoraendli gfonde, wo mer onderem dach es bierli gnoh haend. es esch ned lang gange, esch diraekt vor oeisne auge en toeffliomfau passiert. kes wonder... aber i glaube ossert echli blaechschade ond es paar oeberdehnte baender esch ned veu passiert. s'chriegsmuseum esch sehr guet gsi. trurig. met veu fotine ond gschechte vo fotographe ond ehri gschecht. schockierend was do passiert esch...

de noechscht schrett esch de gsi, ass mer nachem cau dai taempu zo de cu chi tunnels gange send. da esch det, wo sech dvietnamese em chrieg versteckt haend. mer haend sogar echli choene drenne omechrueche, ganz verrockt. debi haend si di tunel foerd tureschte aegstra groesser gmacht, aber da het ned veu ghoufe. ossertdem haemer au di fauene gseh, wod vietnamese gsteut haend. sehr clever. de johnie het sis highlight gah e dem er es maschenegwehr abgfueret het. da cha mer do mache foer es betzeli gaeud. foer oeis schwitzer ned woerkli entressant, oder gets oeper wo no nie es maschenegwehr gfuehret het?!


HCMC esch woerkli guet gsi, het mer super gfaue. echli verrockt, aber da macht nuet. ossertdem waend eim oeberau, wi haut emmer, aui jede schrott verchaufe. stoerend send vorauem die fraue, wo met chline chend oder babys omelaufe ond groempu wi kaugummis verchaufe. dchend send anschinend 'usglehnet'. i be zom gloeck zemli abbrueht, aber de johni esch emmer no onder kulturschock ond het es grosses problem met au denne 'hasslers'.

guet, i chome gli hei, be hendedri met mim blog (shame on me) ond oeberhaupt, di noechscht party wartet!! it's friiiiday niiiiite!!!!

hey, mer gsaehnd oeis gli gli gli gli
winke winke
oli