i love bangkok!!

gott sei dank, zrogg er grossstadt bangkok! mer send emene naette hoteu em backpacker district banglampoo izoge, meteme pool ofem dach. ond es esch ned lang gange haemer usegfonde, ass de caspar, en kolleg os daenemark, genau em zemmer naebe oeis wohnt ;o))) da esch jo vellech en oeberraschig gsi!!

en anderi, weniger agnaehmi oeberraschig esch echli spoeter cho... chum esch sliecht us gsi hani en moskitostech gha. ond no eine ond no eine. VERDAECHTIG!!! de mark esch grad osem bad cho ond i hanem gseit, er seu sliecht amache, ond was gsehni?? en fette grusige bedbug!!!! i glaubes ned!!!!! be noecherem beguetachte vo mim bett send emmer meh foerecho, ond ich de traene noech (be aber genau oeberrau verstoche gsi, ond die sieche tuend jo vellech weh!!) esch de mark ad rezeption go reklamiere, ass mer waend szemmer waechsle. i mue vellech erchlaere, ass moskitosprey ned noetzt, ond die chline chaeberli laebe hender de fliesse ond verstecke sech oeberrau, bes sliecht us esch ond dloft rein...

guet, wenig spoeter haemer es anders zemmer oebercho, haend au oeisi sache det glo (es esch emmerhin doch scho 3 am morge gsi...) ond ich be haubnackt dors haube hotel zottlet, die chaeber schinbar emmer no e mim t-shirt... nachere duschi ond eme noeie t-shirt (de mark het er zwoeschezit em andere zemmer gwartet, weu si send choge spreye...) beni hondskapot es bett gheit ond ha probiert zschlofe. es esch aber ned lang gange hets ad toere klopfet ond de security esch vor toere gstande. das send die momaent woni em mark sini gseuschaft bsonders schetze... de security het gfrogt, oeb mer jez zoeglet heige ond de mark het gseit das sig ned sis problem, ond mer probiere do zschlofe, er seu oeis en rueh loh. guet, ab es bett. es paar minute spoeter klopfets weder a oeisi toer. de mark goht weder, rechtig verrockt, ond vor de toere stoht i weiss ned wer ond verlangt, ass mer jez aues oeises zueg zoegle, weu si oeises aute zemmer waend botze... am morge am drue... de mark het zemmli onmessverstaendlech zverstoh geh, ass mer secherlech ned zmetzt er nacht foend afo zoegle (ond mer haend es rise poff gha), mer weue jez schlofe. si haend oeise schloessu weue, ass si choene botze, aber mer haend schliessli au oeisi sache det enne gha. ha, vo schlofe esch be mer scho lang ke spur me gsi, be voellig ufgregt gsi. denne hets weder gklopfet ond de security esch met einere vor rezeption weder cho... i ha decki oeber dohre zoge waehrend de mark e sine shorts ofem gang e einere lutsterchi diskutiert haet. die vor rezeption de traene noech, de mark noech aneme haerzenfarkt ond aui andere hoteugescht wach... oeper het sogar grueft 'shut up!' ond de caspar esch schinbar au choge luege ond het weue reklamiere, het aber gseh ass de mark am verhandle esch ond esch weder es bett ;o) guet, weder em bett, heuwach, ond warte ofe schlof... oepis em gang gheit a bode, i stoh em bett ond mer haend beidi sgfuehl, ass si jez oeises zemmer usrume ond oeise groempu vor oeises noeie zemmer gheie. so stoht de mark weder uf ond tschegget de gang, aber aues woner entdeckt esch es riesegrosses zuesatzschloss a oeisere toere, so ass mer noeme inechoene. wonderbar...

nach es paar stond schlof semer os de faedere. ich ha ned meh aus mini chaeberchleider ond st-shirt woni agha ha debi gha... de mark esch zwar au ned veu besser gsi, aber es het glaengt zom ad rezeption zgho ond witer zchaere... nacheme wili (i ha scho baud en vermessteazeig ufgeh) escher zrogg cho ond s'schloss esch ewaeg gno worde. ond ich ha sogar es brandnoeis doesli tegerbausam oebercho foer mini stech!! ustschegget haemer glich no, sobaud mer aui oeisi sache packt gha haend. was foeren nacht!!

ossertdem haend de caspar ond de mark beid es tattoo gmacht! da esch jo vellech spassig gsi, vorauem weu de mark ganz spontan entschlosse het, eis zmache. i ha mi praechtig amuesiert! esch foer mech au verlockend gsi, ha aber kes passends sujet gfonde, so hanis si loh. aber i ha jo schliessli au eis!

am week end market hani gshoppet was zueg haer geh het. entspraechend hani es 20kg paeckli heigscheckt... ui, froei mi scho riesig druf da deheime weder uszpacke!

nachdem ass oeisi leferig vom week end market acho esch haemer am caspar sim letschte obe nomou so rechtig of tubi ghaue. zerscht semer nach petpong a nightmarket wo au die pingpong shows send. ond genau e so eini semmer goge luege. ui, i ha chum mine auge traut! foer au die wo no nie gsi send: es handlet sech ome art stripshow, aber vo de bsondere art. das heisst, fraue shoppe e pingpong bau e ehri vagina ond spuckene us (de boele fluegt dor de ganz rum..), aber das goht au met banane (wo ganz knapp am caspar sim chopf verbi gfloge esch...). ossertdem waerde rasierklenge igfuert (ned nor eini, oepe zaeh) oder zigarette graucht (jo, met de vagina) oder cherze ofeme gebortstagschueche usblose, en trompete gspeut oder 'welcome to bangkok'ofene taffle gschrebe. grueslig!

metem tuk tuk esches witer e 'spicy' club go tanze. wi di weude, da het rechtig guet to. am ponkt 12i esch dmusig aber abegfahre worde ond de club grumet worde. mer send eifach em moenschestrom gfougt ond send dornes reschtorand ene henderrum, guet abdechted ond stillschweigend. vermuetlech esch das ganze ned ganz legau gsi, aber zom vorschin esch en andere tanzshoppe, ond party esch witergange. ofem heiwaeg het oeises tuk tuk wheelies gmacht, die manne haend da super loschtig gfonde, aber i be jedes mou weder zu tode verschorke! aber em nochhinein esches loschtig. ombedengt au mou mache wenn der en thailand verbichoeme!!

de ganz noechschti tag haemer am pool ofem dach vo oeisem noeie hoteu verbrocht. hach esch das herrlech gsi.. de caspar het am mettag en flog en rechtig heimat gha, ehm haemer am obe voraene tschuess gseit. sooo trurig! bangkok esch, obwou sone cooli stadt, sehr en trurige ort, weu so veu reise es aendi naend do... aber au afoend!

wo mer zobe oeisi mail tschegget haend haemer met schrecke glaese, ass de caspar sin flog verpasst het! das heisst, er het am met pm verwaechslet... ui haemer glachet!!! das cha woerkli nor ehm passiere!

a oeisem letschte tag semmer ene andere stadtteil go tischis poschte ond haend entdeckt, ass das eneme riesige hochhus met ussecht esch. klar haemer de lift e 80igschtig stock oder so gno ond haend dussecht ofeme dreiende platteau gnosse. ganz onverhofft, schoeni oeberraschig gsi! ond fasch kei luet, mer haend au niene waerbig foer de ort gseh.

am noechschte morge het oeise wecker uuuh frueh gluetet. de mark esch abghout worde foer a floghafe ond ich ha de fruechi bus en rechtig cambodia gnoh. absched neh esch schwaer gsi, semmer doch foeren langi zit zaeme onderwaegs gsi ond sones guets team gsi. ond erscht no verhuerotet ;o) aber definitiv s'schlemmschte esch, asi jez weder saeuber organisiere ond prise verhandle mue... ond natuerli meh zahle foer onderkoenft, taxis ond so witer...

ause mini liebe, i woensche oeich en guete wochestart ond veu, veu sonnestrahle!

liebi gruess
oli